Casper de Vries - Vark In Hel at Artscape Opera House

Casper de Vries en sy vlymskerp satire keer terug na Kaapstad met sy laaste-ooit reeks vertonings van Vark In Hel. In dié vertoning steek hy die draak met alles onder (en bo) die son. Heilige koeie word nie onaangeraak gelaat nie en hulle deel ook die Operahuisverhoog met Casper se hondekinders.

Amper alles word bespreek. Van publieke skande tot tannies met “blomkoolkapsels” en honde-DNA! Casper se vertonings is daarvoor bekend om die sintuie te oorlaai met ‘n magdom oudio-visuele elemente en stel hierdie keer weereens nie teleur nie. Gehore kan daarna uitsien om met seer mae (van al die lag natuurlik), by hierdie stand-up meesterstuk, uit te kruip.
Bespreek vroegtydig om teleurstelling te voorkom.